ಅಂತಾರಾಷ್ಟ್ರೀಯ ಭಾಷೆಯಲ್ಲಿ ಕಾಂತಾರ ರಿಲೀಸ್

ಕಾಂತಾರ ಸಿನಿಮಾ ಹೋದ ವರ್ಷ ರಿಲೀಸ್ ಆಗಿದೆ. ಸೆಪ್ಟಂಬರ್-30 ರಂದು ತೆರೆಗೆ ಬಂದಿದ್ದ ಕಾಂತಾರ ಚಿತ್ರದ ಕ್ರೇಜ್ ಏನೂ ಕಡಿಮೆ ಆಗಿಲ್ಲ. ಚಿತ್ರ ನಿರ್ಮಾಣ ಸಂಸ್ಥೆ ಕನ್ನಡದ ಕಾಂತಾರ ಚಿತ್ರವನ್ನ ಎಲ್ಲ ಮಟ್ಟದಲ್ಲೂ ಪ್ರಚಾರ ಮಾಡಿದೆ. ಎಲ್ಲ ಮಟ್ಟದಲ್ಲೂ ಚಿತ್ರ ಯಶಸ್ವಿ ಪ್ರದರ್ಶನ ಕಂಡಿದೆ.
ಕಾಂತಾರ ಚಿತ್ರ ದೇಶ ಮತ್ತು ವಿದೇಶದಲ್ಲೂ ರಿಲೀಸ್ ಆಗಿದೆ. ಇಲ್ಲೂ ತನ್ನದೇ ರೀತಿಯಲ್ಲಿ ಚಿತ್ರ ಜನರ ಹೃದಯ ಗೆದ್ದಿದೆ. ಇದಕ್ಕೂ ಹೆಚ್ಚಾಗಿ ಕಾಂತಾರ ಚಿತ್ರ, ಕನ್ನಡ ಸೇರಿದಂತೆ ತಮಿಳು, ತೆಲುಗು, ಹಿಂದಿ, ಮಲೆಯಾಳಂ ಭಾಷೆಯಲ್ಲೂ ರಿಲೀಸ್ ಆಗಿದೆ.
ಪ್ಯಾನ್ ಇಂಡಿಯಾ ಕಾಂತಾರ ಮೊನ್ನೆ ವಿಶ್ವ ಸಂಸ್ಥೆ ವಾರ್ಷಿಕ ಸಭೆಯಲ್ಲಿ ಚರ್ಚೆ ಆಗಿದೆ. ಪುನೀತ್ ಜನ್ಮ ದಿನ ಮಾರ್ಚ್-17 ರಂದು ಇಲ್ಲಿ ಪ್ರದರ್ಶನ ಕೂಡ ಕಂಡಿದೆ. ಮೆಚ್ಚುಗೆಯನ್ನೂ ಪಡೆದುಕೊಂಡಿದೆ. ಇದೀಗ ಈ ಚಿತ್ರದ ಹೊಸ ಸುದ್ದಿ ಅಧಿಕೃತವಾಗಿಯೇ ಹೊರ ಬಿದ್ದಿದೆ.
ಚಿತ್ರದ ನಟ-ನಿರ್ದೇಶಕ ರಿಷಬ್ ಶೆಟ್ರು ತಮ್ಮ ಈ ಚಿತ್ರದ ಹೊಸ ಸುದ್ದಿಯನ್ನ ಈಗ ರಿವೀಲ್ ಮಾಡಿದ್ದಾರೆ. ತಮ್ಮ ಟ್ವಿಟರ್ ಖಾತೆ ಮೂಲಕ ಆ ಒಂದು ಸುದ್ದಿಯನ್ನ ಶೇರ್ ಮಾಡಿದ್ದಾರೆ. ನಿಜ, ಚಿತ್ರ ನಿರ್ಮಾಣ ಸಂಸ್ಥೆ ಹೊಂಬಾಳೆ ತಮ್ಮ ಚಿತ್ರವನ್ನ ಬೇರೆ ಭಾಷೆಯಲ್ಲೂ ಅದರಲ್ಲೂ ಅಂತಾರಾಷ್ಟ್ರೀಯ ಭಾಷೆಯಲ್ಲಿ ರಿಲೀಸ್ ಮಾಡೋಕೆ ಮುಂದಾಗಿದೆ.
ಕನ್ನಡದ ಕಾಂತಾರ ಚಿತ್ರವನ್ನ ಸ್ಪಾನಿಷ್ ಮತ್ತು ಇಟಾಲಿಯನ್ ಭಾಷೆಯಲ್ಲೂ ರಿಲೀಸ್ ಮಾಡೋಕೆ ಪ್ಲಾನ್ ಮಾಡಲಾಗಿದೆ. ಈಗಾಗಲೇ ಚಿತ್ರ ತಂಡ ಈ ವಿಷಯವನ್ನ ಅಧಿಕೃತವಾಗಿ ಹೇಳಿಕೊಂಡಿದೆ. ಅದರ ಬೆನ್ನಲ್ಲಿಯೇ ರಿಷಬ್ ಶೆಟ್ರು ಕೂಡ ಈ ವಿಷಯವನ್ನ ತಿಳಿಸಿದ್ದಾರೆ.
ಕಾಂತಾರ ಚಿತ್ರದ ಸಕ್ಸಸ್ ನಿಜಕ್ಕೂ ಎಲ್ಲರಿಗೂ ಒಂದು ದೊಡ್ಡ ಮಾದರಿನೇ ಬಿಡಿ. ಕೇವಲ ಕರ್ನಾಟಕದಲ್ಲಿ ಮಾತ್ರ ಚಿತ್ರವನ್ನ ರಿಲೀಸ್ ಮಾಡಬೇಕು ಅನ್ನುವ ಲೆಕ್ಕದಲ್ಲಿಯೇ ಕಾಂತಾರ ರೆಡಿ ಆಗಿತ್ತು.ಆದರೆ ರಿಷಬ್ ಶೆಟ್ರ ಶ್ರಮದಿಂದ ಕನ್ನಡದಲ್ಲಿಯೇ ಎಲ್ಲ ಭಾಷೆಯಲ್ಲಿ ರಿಲೀಸ್ ಆಗಿತ್ತು.