ಚಾ.ನಗರ ಡೀನ್ ಡಾ.ಸಂಜೀವ್ ಎತ್ತಂಗಡಿ

ಚಾಮರಾಜನಗರ:- ಅಂಬೇಡ್ಕರ್ ಬಗ್ಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆಂದು ಆರೋಪ ಹೊಂದಿದ್ದ ಚಾಮರಾಜನಗರ ವ್ಶೆದ್ಯಕೀಯ ವಿಜ್ಞಾನ ಮತ್ತು ಬೋಧಕ ಸಂಸ್ಥೆಯ ಡೀನ್ ಡಾ|| ಸಂಜೀವ್ ಅವರನ್ನು ವರ್ಗಾವಣೆ ಮಾಡಿ ಅವರ ಸ್ಥಳಕ್ಕೆ ಮೈಸೂರು ವ್ಶೆದ್ಯಕೀಯ ವಿಜ್ಞಾನ ಮತ್ತು ಸಂಶೋಧನಾ ಸಂಸ್ಥೆಯ ಅರಿವಳಿಕೆ ವಿಭಾಗದ ಮುಖ್ಯಸüರು ಮತ್ತು ಪ್ರಾಧ್ಯಪಕರಾದ ಡಾ|| ಹೆಚ್.ಜಿ. ಮಂಜುನಾಥ್ ರವರನ್ನು ನೇಮಕ ಮಾಡಿ ಸರ್ಕಾರ ಆದೇಶ ಹೊರಡಿಸಿದೆ.
ಡಾ.ಸಂಜೀವ್ ರವರು ಡಾ|| ಬಿ.ಆರ್. ಅಂಬೇಡ್ಕರ್ ಅವರ ಬಗ್ಗೆ ಅವಹೇಳನಕಾರಿಯಾಗಿ ಮಾತನಾಡಿದ್ದಾರೆ ಎಂದು ಆರೋಪಿಸಿ ಹಲವಾರು ದಿನಗಳಿಂದ ವಿವಿಧ ದಲಿತ ಸಂಘಟನೆಗಳು ಡೀನ್ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಪ್ರತಿಭಟನೆ ನಡೆಸಿದ್ದರು.
ಅಂತೂ ದಲಿತ ಸಂಘಟನೆಗಳ ಪ್ರತಿಭಟನೆಗೆ ಮಣಿದು ಸರ್ಕಾರ ಡಾ|| ಸಂಜೀವ್ ಅವರನ್ನು ವರ್ಗಾವಣೆ ಮಾಡಿದೆ.