ಮೈಸೂರು: ನಾಡಹಬ್ಬ ಮೈಸೂರು ದಸರಾ ಮಹೋತ್ಸವದ ಪ್ರಯುಕ್ತ ನಗರದ ಮಾನಸಗಂಗೋತ್ರಿ ಬಯಲು ರಂಗಮಂದಿರದಲ್ಲಿ ಆಯೋಜಿಸಿದ ಯುವಸಂಭ್ರಮದ 2ನೇ ದಿನದಂದು ಜಿನುಗುಟುವ ಮಳೆಯಲು ಕಿಕ್ಕಿರಿದ ಯುವಜನತೆಯಿಂದ ತುಂಬಿತ್ತು.
ಇಂದು ನಡೆದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಧಾರವಾಡದ ಕಮೋಡಳ್ಳಿ ಕಲಾ ತಂಡದವರ ಮಲಗಂಬ ಪ್ರದರ್ಶನವನ್ನು ಜನರು ಕಣ್ ತುಂಬಿಕೊಂಡರು, ಮಂಡ್ಯದ ಕಿರುಗಾವಲಿನ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಕಲಾ ತಂಡದವರ ಮಹಿಳೆಯರ ಶಕ್ತಿ, ಆತ್ಮವಿಶ್ವಾಸ ಮತ್ತು ಅವರ ಸಾಮರ್ಥ್ಯದ ಕುರಿತು ನೃತ್ಯವನ್ನು ಪ್ರದರ್ಶಿಸಿದರು, ಮೈಸೂರಿನ ಟೇರಿಷಿಯನ್ ಪದವಿ ಪೂರ್ವ ಕಾಲೇಜಿನ ತಂಡದವರ ರಾಷ್ಟ್ರೀಯ ಭಾವೈಕ್ಯತೆಯ ಕುರಿತು ನೃತ್ಯವನ್ನು ಪ್ರದರ್ಶಿಸಿದರು.
ಕಾರ್ಯಕ್ರಮದಲ್ಲಿ 51 ನೃತ್ಯ ಪ್ರದರ್ಶನಗಳನ್ನು ಮಾಡಲಾಯಿತ್ತು . ದಸರ ಅರ್ಜುನ ಆನೆ, ಜಾನಪದ ವೈವಿಧ್ಯತೆ ಪರಂಪರೆ, ಕನ್ನಡ ಸಿನಿಮಾಧಾರಿತ, ಕಾನೂನು ಮತ್ತು ಸುವ್ಯವಸ್ಥೆ, ಹುಲಿವೇಷ ಮತ್ತು ಯಕ್ಷಗಾನ, ಭಾರತೀಯ ಯೋಧರ ಪಾತ್ರ, ನವಶಕ್ತಿ, ಅರ್ಜುನ ಆನೆ, ಪರಿಸರ ಸಂರಕ್ಷಣೆ, ಫ್ರೀಡಂ ಫೈಟರ್, ಸಾಂಸ್ಕೃತಿಕ ಪರಂಪರೆ, ಆಧುನಿಕ ನೃತ್ಯ ಪ್ರಕಾರಗಳು, ಕೊಡಗಿನ ಸೈನಿಕ, ಭಾರತ ಸಂವಿಧಾನ,ವಿಜಯ ನಗರ ಸಾಮ್ರಾಜ್ಯ, ಕನ್ನಡ ಸಿನಿಮಾಧಾರಿತ, ಮತ್ತು ವೈನಾಡು ದುರಂತ ಮುಂತಾದ ವಿಷಯಗಳ ಕುರಿತ ನೃತ್ಯ ಪ್ರದರ್ಶನಗಳು ಜನರ ಕಣ್ಣ್ ಮನ ಸೆಳೆದವು.
ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಎಲ್ಲಾ ತಂಡಗಳಿಗೂ ಮೈಸೂರು ದಸರ ಉಪಸಮಿತಿ ವತಿಯಿಂದ ಪ್ರಶಸ್ತಿ ಮತ್ತು ಚೆಕ್ ಅನ್ನು ವಿತರಿಸಲಾಯಿತು.
