ಡಿ.15ಕ್ಕೆ ‘ಬಾ ನಲ್ಲೆ ಮದುವೆಗೆ

ಮೈಸೂರು: ರಾಜ್ಯದ ನಾನಾ ಜಿಲ್ಲೆಯ 30 ರಿಂದ 38 ಥಿಯೇಟರ್ ಗಳಲ್ಲಿ ಡಿ.15 ರಂದು ‘ ಬಾ ನಲ್ಲೆ ಮದುವೆಗೆ’ ಚಿತ್ರವು ತೆರೆ ಕಾಣಲಿದೆ ಎಂದು ನಿರ್ಮಾಪಕ ಹಾಗೂ ನಿರ್ದೇಶಕ ಯೋಗೇಶ್ ನಂದನ್ ಹೇಳಿದರು.
ಈ ಕುರಿತು ನಗರದ ಪತ್ರಕರ್ತರ ಭವನದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಒಂದು ಹಳ್ಳಿಯಲ್ಲಿ ಪ್ರೀತಿ ಮಾಡಿ ಮದುವೆಯಾದ ಬಳಿಕ ಎದುರಾಗು ಎಲ್ಲಾ ಸನ್ನಿವೇಶದಲ್ಲಿ ಹೇಗೆ ಬದುಕಬೇಕು. ಅಂತಹ ವೇಳೆ ನಾಯಕ ನಟ ಹಾಗೂ ನಟಿ ಸುತ್ತು ಯಾವ ರೀತಿ ವಾತಾವರಣ ಸೃಷ್ಠಿಯಾಗಲಿದೆ ಎಂಬುದನ್ನು ಚಿತ್ರ ತಿಳಿಸಿಕೊಡಲಿದೆ ಎಂದರು.
ಚಿತ್ರದಲ್ಲಿ ಐದು ಹಾಡು, ನಾಲ್ಕು ಫೈಟ್ ಗಳನ್ನು ಚಿತ್ರ ಒಳಗೊಂಡಿದ್ದು, 30 ದಿನದಲ್ಲಿ ಚಿತ್ರೀಕರಣ ಮುಗಿಸಿದ್ದೇವೆ ಎಂದರು.
ನಾಯಕ ನಟ ಅರ್ಜುನ್ ಮಾತನಾಡಿ, ಬೆಂಗಳೂರಿನ ಹುಡುಗನಾಗಿ ಹಲವು ಸಿನಿಮಾಗಳಲ್ಲಿ ನಟನೆ ಮಾಡಿದ್ದ ಅನುಭವದ ಬಳಿಕ ಈ ಸಿನಿಮಾದಲ್ಲಿ ನಟಿಸುತ್ತಿದ್ದೇನೆ. ಈ ಪ್ರಯತ್ನಕ್ಕೆ ನಿಮ್ಮೆಲ್ಲರ ಸಹಕಾರ ಇರಲಿ. ನಾಯಕಿಯಾಗಿ ಶೋಭ ನಟಿಸಿದ್ದಾರೆ ಎಂದರು.
ಸುದ್ದಿಗೋಷ್ಟಿಯಲ್ಲಿ ಸಹಕಲಾವಿದ ಸಿದ್ದರಾಜು, ಹಾಸ್ಯಕಲಾವಿದ ಉಮ್ಮತ್ತೂರು ಬಸವರಾಜು, ಸಹ ನಟ ಸಚ್ಚಿನ್ ಗೋಷ್ಠಿಯಲ್ಲಿದ್ದರು.