ಬಳ್ಳಾರಿ ಸೆಂಟ್ರಲ್ ಜೈಲು ಸೇರಿದ ನಟ ದರ್ಶನ್

ಬಳ್ಳಾರಿ: ರೇಣುಕಾಸ್ವಾಮಿ ಕೊಲೆ ಪ್ರಕರಣದ ಆರೋಪಿ, ನಟ ದರ್ಶನ್ ಇಂದು ಬೆಂಗಳೂರಿನ ಪರಪ್ಒನ ಅಗ್ರಹಾರದಿಂದ ಬಳ್ಳಾರಿ ಸೆಂಟ್ರಲ್ ಜೈಲಿಗೆ ಶಿಫ್ಟ್ ಆಗಿದ್ದಾರೆ.
ಬೆಳಗಿನಜಾವ 4.15 ಗಂಟೆ ಸುಮಾರಿಗೆ ಬೆಂಗಳೂರಿನ ಪರಪ್ಪನ ಅಗ್ರಹಾರ ಜೈಲಿನಿಂದ ದರ್ಶನ್ ನನ್ನು ಪೊಲೀಸ್‌ವ್ಯಾನ್ ನಲ್ಲಿ ನಸಲ್ಕು ಜೀಪುಗಳ ಭದ್ರತೆಯಲ್ಲಿ ಆಂಧ್ರಪ್ರದೇಶದ ಅನಂತಪುರಂ, ಉರವಕೊಂಡ ಮಾರ್ಗವಾಗಿ ಬಳ್ಳಾರಿ ಜೈಲಿಗೆ ದರ್ಶನ್ ನ್ನು ಕರೆ ತರಲಾಯ್ತು.
ಜೀನ್ಸ್ ಪ್ಯಾಂಟ್ ಕಪ್ಪ ಬಣ್ಣದ ಪ್ಯೂಮ ಟೀಶರ್ಟ್ ಧರಿಸಿದ್ದ ದರ್ಶನ್ ನ ತನ್ನ‌ಬಳಿ ಇದ್ದ ಚಿಕ್ಕ ಬ್ಯಾಗ್ ನೊಂದಿಗೆ ಬಳ್ಳಾರಿ ಜೈಲ್ ಪ್ರವೇಶ ಮಾಡಿದರು.
ನಂತರ ಅವರಿಗೆ ವೈದ್ಯರಿಂದ ತಪಾಸಣೆ ಮಾಡಿ ಸೆಲ್ ಗೆ ಕಳಿಸಲಾಯ್ತು.
ಈಗಾಗಲೇ ಬಳ್ಳಾರಿ ಸೆಂಟ್ರಲ್ ಜೈಲಿನಲ್ಲಿ ಎಲ್ಲ ಸಿದ್ದತೆಗಳನ್ನು ಮಾಡಿಕೊಳ್ಳಲಾಗಿತ್ತು. ಬೆಳಗ್ಗೆಯಿಂದ ಎಸ್ಪಿ ಡಾ.ಶೋಭರಾಣಿ, ಜೈಲು ಅಧೀಕ್ಷಕಿ ಲತಾ ಅವರೊಂದಿಗೆ ಹೈ ಅಲರ್ಟ್ ನಡೆಸಿ ಬಿಗಿ ಬಂದೋ ಬಸ್ತು ಮಾಡಲಾಗಿತ್ತು.
ಸಾಮಾನ್ಯ, ವಿಚಾರಣಾಧೀನ ಖೈದಿಗಳನ್ನಿಡುವ ಜೈಲಿನ ಭಾಗವನ್ನು ಬಿಟ್ಟು ಮಹಿಳಾ ಕೈದಿಗಳನ್ನಿಡುವ ಭಾಗದ ಪ್ರದೇಶದಲ್ಲಿರುವ ಹೈ ಸೆಕ್ಯುರಿಟಿ ಇರುವ ಸೆಲ್ ಗೆ ದರ್ಶನ್ ಅವರನ್ನು ಇರಿಸಲಾಗಿದೆ.
ದರ್ಶನ್ ಶಿಫ್ಟ್ ಹಿನ್ನೆಯಲ್ಲಿ ಬಳ್ಳಾರಿ ಜೈಲು ಮುಂಭಾಗದಲ್ಲಿ ಬಿಗಿ ಪೊಲೀಸ್‌ ಭದ್ರತೆ ಒದಗಿಸಲಾಗಿದೆ. ಜೈಲು ಮಾರ್ಗದ ರಸ್ತೆಗಳಲ್ಲಿ ಸಂಚಾರ ನಿರ್ಬಂಧ ಹೇರಲಾಗಿದೆ.