ತಿ.ನರಸೀಪುರ:ತಾಲ್ಲೂಕಿನ ಮುತ್ತತ್ತಿ ಗ್ರಾಮದ ಹಮೀದ್ ಹುಲ್ಲಾ ಎಂಬುವರ ಜಮೀನಿನಲ್ಲಿ ಅರಣ್ಯ ಇಲಾಖೆಯು ಇಟ್ಟಿದ ಬೋನಿನಲ್ಲಿ 2 ವರ್ಷದ ಗಂಡು ಚಿರತೆಯೊಂದು ಸೆರೆ ಸಿಕ್ಕಿದೆ.
ಸುತ್ತಮುತ್ತಲ ಗ್ರಾಮಗಳಲ್ಲಿ ಚಿರತೆಗಳು ಓಡಾಡುತ್ತಿರುವ ಮಾಹಿತಿ ಕಲೆ ಹಾಕಿದ ಅರಣ್ಯ ಇಲಾಖೆಯು ಇನಾಯತ್ ಉಲ್ಲಾ ಜಮೀನಿನಲ್ಲಿ ಬೋನು ಇರಿಸಲಾಗಿತ್ತು.
ಶುಕ್ರವಾರ ಬೆಳ್ಳಂಬೆಳಗ್ಗೆ ಬೋನಿಗೆ ಬಿದ್ದ ಚಿರತೆಯನ್ನು ಕಂಡ ಪ್ರತ್ಯಕ್ಷದರ್ಶಿಗಳು ಅರಣ್ಯ ಇಲಾಖೆಗೆ ವಿಷಯ ಮುಟ್ಟಿಸಿದರು.ಇದುವರೆಗೂ ಮುತ್ತತ್ತಿ ಗ್ರಾಮದಲ್ಲಿ ಒಟ್ಟು 7 ಚಿರತೆಗಳು ಸೆರೆ ಸಿಕ್ಕಂತಾಗಿದ್ದು,ನೆರೆಹೊರೆ ಗ್ರಾಮಗಳಲ್ಲಿ ಆತಂಕ ಹೆಚ್ಚಿದೆ.
ವಿಷಯ ತಿಳಿದ ತಕ್ಷಣ ಸ್ಥಳಕ್ಕೆ ಧಾವಿಸಿದ ಅರಣ್ಯ ಇಲಾಖೆಯ ಅಧಿಕಾರಿಗಳು ಚಿರತೆಯನ್ನು ತಿ. ನರಸೀಪುರ ಉಪ ವಲಯ ಅರಾಣ್ಯಾಧಿಕಾರಿಗಳ ಕಚೇರಿಗೆ ಸಾಗಿಸಿದರು. ವೈದ್ಯಕೀಯ ಪರೀಕ್ಷೆಯ ನಂತರ ಮೈಸೂರಿನ ವಲಯ ಅರಾಣ್ಯಾಧಿಕಾರಿಗಳ ಕಚೇರಿಗೆ ಚಿರತೆಯನ್ನು ರವನಿಸಲಾಗುವುದು ಎಂದು ಉಪ ವಲಯ ಅರಾಣ್ಯಾಧಿಕಾರಿ ಎಂ. ಎಸ್.ಉಮೇಶ್ ತಿಳಿಸಿದರು.ಸ್ಥಳದಲ್ಲಿ ಮಂಜುನಾಥ್, ಲೋಕೇಶ್ ಇತರರು ಹಾಜರಿದ್ದರು.
