ಸೋಲಿನ ಹತಾಶೆಯಿಂದ ಗಲಭೆ ಸೃಷ್ಟಿ: ಪ್ರತಾಪ್‌ಸಿಂಹ

ಮೈಸೂರು: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಹತಾಶ ಮನೋಭಾವದಿಂದ ಚುನಾವಣಾ ಸಂದರ್ಭದಲ್ಲಿ ಗಲಭೆ ಉಂಟು ಮಾಡುವ ವಾತಾವರಣ ಸೃಷ್ಟಿಸುತ್ತಿದ್ದಾರೆಂದು ಸಂಸದ ಪ್ರತಾಪ್ ಸಿಂಹ ಆರೋಪಿಸಿದರು.
ನಗರದಲ್ಲಿ ಇಂದು ಅವರು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.
ವರುಣಾದಲ್ಲಿ ನಿನ್ನೆ ನಮ್ಮ ಪಕ್ಷದ ಕರ‍್ಯರ‍್ತನ ಮೇಲೆ ಹಲ್ಲೆ ನಡೆಸಲಾಗಿದೆ. ಇದು ಸರಿಯಲ್ಲ ಎಂದು ಅವರು ಹೇಳಿದರು.
ಸಿದ್ದರಾಮಯ್ಯನವರು ಸೋಲಿನ ಭಯದಿಂದ ಈ ರಿತಿಯ ಘಟನೆ ನಡೆಸುತ್ತಿದ್ದಾರೆಂದು ಅವರು ದೂರಿದರು.
ಶಾಂತಿಯುತ ಚುನಾವಣೆ ನಡೆಸುವ ಹಿನ್ನೆಯಲ್ಲಿ ನಾವು ಈ ಘಟನೆ ಕುರಿತು ಚುನಾವಣಾ ಆಯೋಗಕ್ಕೆ ಸಿದ್ದರಾಮಯ್ಯನವರ ವಿರುದ್ಧ ದೂರು ನೀಡಿದ್ದೇವೆ ಎಂದರು.
ಮಲ್ಲಿಕಾರ್ಜುನ ಖರ್ಗೆ ಅವರ ಹೇಳಿಕೆಯನ್ನು ಬಿಜೆಪಿ ತೀವ್ರವಾಗಿ ಖಂಡಿಸುತ್ತದೆ. ಅವರು ಸಹ ಹತಾಶ ಭಾವನೆಯಿಂದ ದೇಶದ ಪ್ರಧಾನಿ ವಿರುದ್ಧ ಹೀಗೆಲ್ಲ ಮಾತನಾಡುತ್ತಿದ್ದಾರೆಂದರು.
ಖರ್ಗೆ  ಅವರೆ ನೀವು ಒಬ್ಬ ಹಿರಿಯರಿದ್ದೀರಿ, ಉತ್ತಮ ಸ್ಥಾನದಲ್ಲಿದ್ದೀರಿ. ಈ ರೀತಿ ಮಾತನಾಡಿ ನೀವು ಇನ್ನೊಬ್ಬ ಸಿದ್ದರಾಮಯ್ಯ ಆಗಬೇಡಿ. ಸಿದ್ದರಾಮಯ್ಯನವರ ಛಾಳಿಗೆ ನೀವು ಅಂಟಿಕೊಳ್ಳಬೇಡಿ ಎಂದು ಪ್ರತಾಪ್ ಸಿಂಹ ಹೇಳಿದರು.