ಮದುವೆ ಅನ್ನೋದು ಸ್ವರ್ಗದಲ್ಲೇ ನಿಶ್ಚಯ ಆಗಿರುತ್ತೆ ಅಂತಾರೆ. ಆದ್ರೆ ಆ ನಿಶ್ಚಯದ ಖಾತರಿ ಇನ್ನೂ ಆಗದೇ ಇರೋದು ಒಂದಷ್ಟು ಯುವಕರನ್ನ ಕಾಡಿ ಕಂಗೆಡಿಸಿ ಬಿಟ್ಟಿದೆ. ನಮ್ಮ ಮನೆಯ ದೀಪ ಬೆಳಗಿಸೋಕೆ ಒಬ್ಬಳು ಸೊಸೆ ಕರುಣಿಸಪ್ಪಾ ಅಂತಾ ಗಲ್ಲಿ, ಗಲ್ಲಿಯಲ್ಲಿ ಪೋಸ್ಟರ್ ಹಿಡಿದು ಅಭಿಯಾನ ಮಾಡಿದ್ದಾರೆ.
ಇಲ್ಲಿರುವ ಒಬ್ಬೊಬ್ಬರದ್ದು ಒಂದೊಂದು ಕಥೆ.. ಅಯ್ಯೋ ಹೆಣ್ಣು ಮಕ್ಳಾ.. ಐಟಿಲೀ 14 ಅವರ್ ಕೆಲಸ ಮಾಡ್ಬೇಡಿ.. ಬನ್ರಿ.. ನಮ್ ತೋಟದಲ್ಲಿ ನಾಲ್ಕು ಅವರ್ ದುಡಿರೀ ಸಾಕು. ರಾಣಿ ಹಂಗೇ ನೋಡ್ಕೋತೀವಿ ಅಂತಾವ್ರೇ ಈ ಗಂಡು ಮಕ್ಕಳು.
ವಯಸ್ಸಾಯ್ತು.. ಮದುವೆ ಆಗಿಲ್ಲ ಅನ್ನೋ ಒಂದು ನೋವು ಕಾಡೋಕೆ ಶುರುವಾದ್ರೆ ಊಟ ಸೇರಲ್ಲ, ನಿದ್ದೆ ಬರಲ್ಲ, ದಿನ ಕಳೆಯಲ್ಲ. ಇದೇ ನೋವು, ಇದೇ ಹತಾಶೆ ನಮ್ಮ ರೈತರನ್ನ ಕಾಡೋಕೆ ಶುರುವಾಗಿದೆ. ಹೀಗಾಗಿ, ಸಿಟ್ಟಿಗೆದ್ದು ಬೀದಿಗಿಳಿದಿರುವ ಗಂಡು ಮಕ್ಕಳು ನಗರದ ಸಿಐಡಿ ಸರ್ಕಲ್ನಲ್ಲಿ ಮದುವೆಯಾಗಲು ಹೆಣ್ಣು ಕೊಡಿ ಅಂತಾ ಪೋಸ್ಟರ್ ಹಿಡಿದು ಅಭಿಯಾನ ಮಾಡಿದ್ದಾರೆ
ದೇಶಕ್ಕೆಲ್ಲ ಅನ್ನ ನೀಡೋ ಅನ್ನದಾತನ ಮಕ್ಕಳು ಮದುವೆ ಅನ್ನೋ ಬಾಂಧವ್ಯದ ಬಂಧನಕ್ಕಾಗಿ ಬೀದಿ ಬೀದಿ ಅಲೆಯುವಂತಹ ಸ್ಥಿತಿ ನಿರ್ಮಾಣವಾಗಿರೋದು ನಿಜಕ್ಕೂ ವಿಪರ್ಯಾಸ. ಅತ್ತ, ಹೆಣ್ಣು ಹೆತ್ತವರ ಮನವೊಲಿಸಿ ರೈತರ ಮಕ್ಕಳಿಗೆ ಕಂಕಣ ಭಾಗ್ಯವನ್ನ ಕರುಣಿಸಿ ಸಾರ್ಥಕ ಜೀವನದ ಸಂತೋಷವನ್ನ ದೇವರೇ ಯುವಕರಿಗೆ ಕರುಣಿಸಬೇಕಿದೆ.