HIV ಪರೀಕ್ಷೆ ಮಾಡಿಸಿಕೊಂಡ ಶಿಖರ್​ ಧವನ್​ ?

ಟೀಂ ಇಂಡಿಯಾದ ಬ್ಯಾಟ್ಸ್​ಮನ್​ ಶಿಖರ್​ ಧವನ್​ ಹಿಂದೊಮ್ಮೆ ಹೆಚ್​ಐವಿ ಟೆಸ್ಟ್ ಮಾಡಿಸಿಕೊಂಡ ಬಗ್ಗೆ ರಿವೀಲ್​ ಮಾಡಿದ್ದಾರೆ. ಆ ಮೂಲಕ ಗಬ್ಬರ್​ ಸಿಂಗ್​ ಹೆಚ್​ಐವಿ ಟೆಸ್ಟ್​ ಮಾಡಲು ನಿಜವಾದ ಕಾರಣವನ್ನು ಬಿಚ್ಚಿಟ್ಟಿದ್ದಾರೆ.
ಶಿಖರ್​ ಧವನ್​ ಟ್ಯಾಟೂ ಹಾಕಿಸಿಕೊಳ್ಳೋದು ಅಂದ್ರೆ ಬಲು ಇಷ್ಟವಂತೆ. ಹಾಗಾಗಿ ಹದಿಹರೆಯದ ವಯಸ್ಸಿನಲ್ಲೇ ಟ್ಯಾಟೂ ಹಾಕಿಸಿಕೊಂಡಿದ್ದರಂತೆ. ಆದರೆ ಮನೆಯವರಿಗೆ ತಿಳಿಯದಂತೆ ಟ್ಯಾಟೂ ಹಾಕಿಸಿಕೊಂಡಿದ್ದ ಅವರು ಮರೆ ಮಾಚಲು ಸಾಕಷ್ಟು ಕಷ್ಟಪಟ್ಟಿದ್ದಾರಂತೆ.
ಇತ್ತೀಚೆಗೆ ಶಿಖರ್​ ಧವನ್​​ ಖಾಸಗಿ ಮಾಧ್ಯಮವೊಂದು ನಡೆಸಿದ ‘ಸೀಧಿ ಬಾತ್​​‘ ಕಾರ್ಯಕ್ರಮದಲ್ಲಿ ಟ್ಯಾಟೂ ಹಾಕಿಸಿಕೊಂಡ ಬಗ್ಗೆ ಮಾತನಾಡಿದ್ದಾರೆ. ಅದರಲ್ಲಿ ಹಚ್ಚೆ ಹಾಕಿಸಿಕೊಳ್ಳಲು ಬಳಸಿದ ಸೂಜಿ ಬಗ್ಗೆ ಭಯದಿಂದ ಹೆಚ್​ಐವಿ ಪರೀಕ್ಷೆಯನ್ನು ಮಾಡಿಸಿಕೊಂಡಿದ್ದೆ ಎಂದು ಕಾರ್ಯಕ್ರಮದಲ್ಲಿ ಹೇಳಿಕೊಂಡಿದ್ದಾರೆ.
ಶಿಖರ್​ ಧವನ್​ 14ನೇ ವಯಸ್ಸಿಗೆ ಮನಾಲಿಗೆ ಹೋಗಿದ್ದರಂತೆ. ಈ ವೇಳೆ ಮನೆಯವರಿಗೆ ತಿಳಿಯದೆ ಟ್ಯಾಟೂ ಹಾಕಿಸಿಕೊಂಡಿದ್ದರಂತೆ. ಪೋಷಕರಿಗೆ ಹೆದರಿ ಶಿಖರ್​ ಬೆನ್ನ ಮೇಲೆ ಹಚ್ಚೆ ಹಾಕಿಸಿಕೊಂಡಿದ್ದರು. ಇದನ್ನು ಮರೆ ಮಾಚಲು 3 ರಿಂದ 4 ತಿಂಗಳು ಸತತವಾಗಿ ಶ್ರಮಪಟ್ಟಿದ್ದೆ. ಆ ಬಳಿಕ ಅವರ ತಂದೆಗೆ ಈ ವಿಚಾರ ತಿಳಿದು ಧವನ್​ಗೆ ನಾಲ್ಕು ಏಟು ಹೊಡೆದಿದ್ದರು ಎಂದು ಕಾರ್ಯಕ್ರಮದಲ್ಲಿ ಹೇಳಿಕೊಂಡಿದ್ದಾರೆ.
ಹೀಗೆ ಮಾತನಾಡುತ್ತಾ ಅವರು, ಟ್ಯಾಟೂ ಹಾಕಿಸಿಕೊಂಡ ಬಳಿಕ ನನ್ನಲ್ಲಿ ಭಯ ಕಾಡಿತ್ತು. ಏಕೆಂದರೆ ಟ್ಯಾಟೂ ಹಾಕಲು ಅವರು ಯಾರಿಗಾದರು ಬಳಸಿದ ಸೂಜಿಯನ್ನು ಬಳಸಿದ್ದಾರೆಯೇ? ಎಂಬ ಪ್ರಶ್ನೆ ಕಾಡಿತ್ತು. ಕೊನೆಗೆ ಹೆಚ್​​ಐವಿ ಪರೀಕ್ಷೆ ಮಾಡಿಸಿದ್ದೆ, ನೆಗೆಟಿವ್​ ರಿಪೋರ್ಟ್​ ಬಂದಿತ್ತು ಎಂದು ಸಮಾಧಾನಗೊಂಡಿದ್ದೆ ಎಂದು ಹೇಳಿದ್ದಾರೆ.