ತೆರೆದ ಬೋರ್​ವೆಲ್​ಗೆ ಬಿದ್ದ ಹೆಣ್ಣು ಮಗು

ಮೂರು ವರ್ಷದ ಬಾಲಕಿಯೊಬ್ಬಳು ಬೋರ್​ವೆಲ್​ಗೆ ಬಿದ್ದ ಘಟನೆ ಮಧ್ಯಪ್ರದೇಶದ ಸಿಂಗ್ರೌಲಿ ಜಿಲ್ಲೆಯಲ್ಲಿ ನಡೆದಿದೆ. ಅಲ್ಲಿನ ಕಾಸರ್​ ಗ್ರಾಮದ ಬಳಿಕ ಸೋಮವಾರ ಸಂಜೆ ಈ ದುರ್ಘಟನೆ ಸಂಭವಿಸಿದೆ.
ಸೌಮ್ಯ ಎಂದು ಗುರುತಿಸಲಾದ ಮಗು ಸಂಜೆ 5 ಗಂಟೆ ಸುಮಾರಿಗೆ ಬೋರ್​ವೆಲ್​ ಒಳಗೆ ಬಿದ್ದಿದೆ. ಕೃಷಿ ಜಮೀನಿನಲ್ಲಿ ಆಟವಾಡುತ್ತಾ ಹೋಗಿ ಕೊನೆಗೆ ಬೋರ್​ವೆಲ್​ನಲ್ಲಿ ಸಿಲುಕಿಕೊಂಡಿದೆ. 250 ಅಡಿ ಆಳದ ಬೋರ್​ವೆಲ್​ ಇದಾಗಿದ್ದು, ಮಗು 25 ಅಡಿದಲ್ಲಿ ಸಿಲುಕೊಂಡಿತ್ತು.
ಮಗು ಬೋರ್​​ವೆಲ್​ಗೆ ಬಿದ್ದಂತೆ ಮನೆಯವರು ರಕ್ಷಣಾ ತಂಡಕ್ಕೆ ಕರೆ ಮಾಡಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ರಕ್ಷಣಾ ತಂಡ ಮಗುವನ್ನು ಬೋರ್​ವೆಲ್​ನಿಂದ ಮೇಲಕ್ಕೆತ್ತಲು ಪ್ರಯತ್ನಿಸಿದೆ. ಸುಮಾರು 5 ಗಂಟೆಗಳ ಕಾರ್ಯಾಚರಣೆಯ ಬಳಿಕ ಮಗುವನ್ನು ಸುರಕ್ಷಿತವಾಗಿ ಹೊರತೆಗೆಯಲಾಗಿದೆ.
ಮಗುವನ್ನು ಸೌಮ್ಯ ಸದ್ಯದ ಸ್ಥಿತಿ ಗಂಭಿರವಾಗಿದೆ ಎಂದು ತಿಳಿದುಬಂದಿದೆ. ಸದ್ಯ ತುರ್ತು ನಿಗಾ ಘಟಕದಲ್ಲಿ ಮಗುವಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಸ್ಥಳೀಯ ಆಸ್ಪತ್ರೆಯಲ್ಲಿ ಸೌಮ್ಯ ಚಿಕಿತ್ಸೆ ಪಡೆಯುತ್ತಿದ್ದಾಳೆ.