ವರದಿ : ಸುಚಿತ್ರ ಗೌಡ
ಹಾಸನ : ಲಾರಿ ಮತ್ತು ಬೈಕ್ ನಡುವೆ ನಡೆದ ಅಪಘಾತದಲ್ಲಿ ಸ್ಥಳದಲ್ಲಿ ಓರ್ವ ಸಾವನಪ್ಪಿದರೇ ಇಬ್ಬರಿಗೆ ತೀವ್ರ ಗಾಯಗಳಾದ ಘಟನೆ ಹಾಸನ ನಗರದ ಸಂತೇಪೇಟೆ ವೃತ್ತದಲ್ಲಿ ನಡೆದಿದೆ.
ಕಾಲೇಜು ವಿದ್ಯಾರ್ಥಿ ಆಗಿರುವ ತಾಲೂಕಿನ ಚಿಕ್ಕಕಡಲೂರು ಗ್ರಾಮದ ಅಭಿಲಾಶ್ ೨೧ ವರ್ಷ ಅಪಘಾತದಲ್ಲಿ ಸಾವನಪ್ಪಿದ ದುರ್ಧೇವಿ. ಇನ್ನಿಬ್ಬರೂ ದೊಡ್ಡಪುರ ಗ್ರಾಮದ ರಘು ಮತ್ತು ವರುಣ್ ಎಂಬವರಿಗೆ ತೀವ್ರತರವಾದ ಗಾಯಗಳಾಗಿವೆ. ಲಾರಿ ಮತ್ತು ಆಕ್ಟಿವ್ ಹೋಂಡ ನಡುವೆ ನಡೆದ ಅಪಘಾತದಲ್ಲಿ ರಘು ಎಂಬುವರ ಕಾಲು ತುಂಡಾಗಿದ್ದು, ವರುಣ್ ಎಂಬುವರ ತಲೆ ಮತ್ತು ದೇಹಕ್ಕೆ ಗಂಬೀರ ಗಾಯಗಳಾಗಿರುವುದು ಕಂಡು ಬಂದಿದೆ. ತಕ್ಷಣ ತುರ್ತು ವಾಹನದಲ್ಲಿ ಗಾಯಳುಗಳನ್ನು ಆಸ್ಪತ್ರೆಗೆ ಕಳುಹಿಸಿ ಚಿಕಿತ್ಸೆ ಕೊಡಿಸಲಾಯಿತು. ಈ ಮೂವರು ಕಾಲೇಜಿನಲ್ಲಿ ಪದವಿ ಶಿಕ್ಷಣ ಪಡೆಯುತ್ತಿದ್ದರು ಎಂದು ಹೇಳಲಾಗಿದೆ. ಮೊದಲೆ ನಿರ್ಧರಿಸಿದಂತೆ ಈ ಮೂವರು ಪ್ರವಾಸಕ್ಕೆಂದು ಸಕಲೇಶಪುರ ಮಾರ್ಗವಾಗಿ ಪ್ರಯಾಣ ಬೆಳಿಸಿದ್ದರು. ಆದರೇ ಪ್ರವಾಸಕ್ಕೆ ಹೋಗವ ಮೊದಲೇ ಅಪಘಾತವಾಗಿ ಒಬ್ಬನು ಸಾವನಪ್ಪಿದರೇ ಇಬ್ಬರೂ ಆಸ್ಪತ್ರೆ ಸೇರಿದ್ದಾರೆ. ಈ ಅಪಘಾತಕ್ಕೆ ಅತೀ ವೇಗವೇ ಕಾರಣವಾಗಿದೆ ಎಂದು ಹೇಳಲಾಗಿದೆ. ವಿಷಯ ತಿಳಿದ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿ ಮುಂದಿನ ತನಿಖೆ ಕೈಗೊಂಡಿದ್ದಾರೆ.
