ಶ್ರೀರಂಗಪಟ್ಟಣದಲ್ಲಿ ನಟ ದರ್ಶನ್ ಭರ್ಜರಿ ರೋಡ್ ಶೋ

ಶ್ರೀರಂಗಪಟ್ಟಣ:ಕೋವಿಡ್ ಸಮಯದಲ್ಲಿ ಇಂಡುವಾಳು ಸಚ್ಚಿದಾನಂದ ಅವರು ಜನರೊಂದಿಗೆ ಇದ್ದು ಅವರ ಸೇವೆಗೆ ಮುಂದಾಗಿರುವುದನ್ನ ನೋಡಿದ್ದೇನೆ ಈ ಬಾರಿ ಮೇ 10ರಂದು ನಡೆಯುವ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿ ಸಚ್ಚಿದಾನಂದ ಅವರಿಗೆ ಮತ ನೀಡಿ ಗೆಲ್ಲಿಸಿ ಎಂದು ನಟ ದರ್ಶನ್ ತೂಗುದೀಪ್ ಅವರು ಹೇಳಿದರು.
ಆಪ್ತ ಸ್ನೇಹಿತ ಶ್ರೀರಂಗಪಟ್ಟಣ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿರುವ ಇಂಡುವಾಳು ಸಚ್ಚಿದಾನಂದ ಅವರ ಪರವಾಗಿ ನಟ ದರ್ಶನ್ ಅವರು ಚುನಾವಣಾ ಕ್ಯಾಂಪೇನ್ ನಲ್ಲಿ ರೋಡ್ ಶೋ ನಡೆಸಿ ಕೆಆರ್‍ಎಸ್‍ನಲ್ಲಿ ಮಾತಾಡಿದರು.
ಎರಡು ಬಾರಿ ಕೋವಿಡ್ ಸಮಯದಲ್ಲಿ ಲಾಕ್ ಡೌನ್ ಆಗಿದ್ದ ವೇಳೆ ಎಷ್ಟೆ ಹಣವಿದ್ದರೂ ಜನರು ಮನೆಯಿಂದ ಹೊರ ಬರಲಾಗಲಿಲ್ಲ. ಅಂತಹ ಸಮಯದಲ್ಲಿ ಸ್ವಂತ ಹಣ ಹಾಕಿ ಜನರ ಕಷ್ಟಗಳಿಗೆ ಬೇಕಾದ ಅಗತ್ಯ ವಸ್ತುಗಳ ನೀಡಿದರು. ಇವರಿಗೆ ಅಧಿಕಾರ ಇದ್ದರೆ ಇನ್ನೆಷ್ಟು ಸಹಕಾರ ನೀಡಬಹುದು.ಆದ್ದರಿಂದ ಈ ಬಾರಿ ಚುನಾವಣೆಯಲ್ಲಿ ಸಚ್ಚಿದಾನಂದ ಅವರಿಗೆ ಮತ ನೀಡಲು ತಮ್ಮಲ್ಲಿ ಮನವಿ ಮಾಡುತ್ತೇನೆ ಎಂದು ಅಭಿಮಾನಿಗಳಿಗೆ ಹುರಿದುಂಬಿಸಿದರು. ಶ್ರೀರಂಗಪಟ್ಟಣ ಕೆಆರ್‍ಎಸ್ ನಿಂದ ಹುಲಿಕೆರೆ,ಬೆಳಗೊಳ, ಹೊಸಆನಂದೂರು,ಪಂಪ್‍ಹೌಸ್, ಪಿ.ಹೊಸಹಳ್ಳಿ ,ಪಾಲಹಳ್ಳಿ ಮಾರ್ಗವಾಗಿ ಕಸಬಾ ಹೋಬಳಿಯ ನಗುವನಹಳ್ಳಿ ಹೊಸೂರು ಮೇಳಾಪುರ,ಮಹದೇವಪುರ ಕೆ.ಶೆಟ್ಟಹಳ್ಳಿ ಹೋಬಳಿಯ ದೊಡ್ಡಪಾಳ್ಯ, ಬಾಬುರಾಯನ
ಕೊಪ್ಪಲು, ಕೆ.ಶೆಟ್ಟಹಳ್ಳಿ, ಸಬ್ಬನಕುಪ್ಪೆ,ಎಂ.ಶೆಟ್ಟಹಳ್ಳಿ ಗ್ರಾಮಗಳಿಗೆ ಚುನಾವಣ ಪ್ರಚಾರದ ಪಯಣ ಬೆಳೆಸಿದರು.ಎರಡು ರಸ್ತೆ ಬದಿಯಲ್ಲಿ ನಟ ದರ್ಶನ್ ನೋಡಲು ನೂರಾರು ಜನರು ತಮ್ಮ ತಮ್ಮ ಗ್ರಾಮಗಳ ಬಳಿ ಮಹಿಳೆಯರು ಪುರುಷರು ಯುವಕರು ಅಭಿಮಾನಿಗಳು ನೆರೆದಿದ್ದು, ದರ್ಶನ್‍ಗೆ ಜೈಕಾರ ಶಿಳ್ಳೆ ಹೊಡೆದು ಕೈ ಬೀಸಿ ಅದ್ದೂರಿ ಸ್ವಾಗತಗಳನ್ನು ನೀಡುತ್ತಿದ್ದರು.
ಬಿಜೆಪಿ ಅಭ್ಯರ್ಥಿ ಇಂಡುವಾಳು ಸಚ್ಚಿದಾನಂದ ಚುನಾವಣ ಪ್ರಚಾರದ ಮೂಲಕ ನಟ ದರ್ಶನ್ ಅವರಗೆ ಸಾಥ್ ನೀಡುತ್ತಿದ್ದರು.ರಾಜ್ಯ ರೈತ ಮೋರ್ಚ ಉಪಾಧ್ಯಕ್ಷ ಕೆ.ಎಸ್.ನಂಜುಂಡೇಗೌಡ ಬಿಜೆಪಿ ಸರ್ಕಾರದ ಸಾಧನೆಗಳ ಕುರಿತು ಜನರಿಗೆ ತಿಳಿಸಿದರು.ಜಿಪಂ ಮಾಜಿ ಸದಸ್ಯ ಎಸ್.ಎಲ್.ಲಿಂಗರಾಜು, ಕೆಆರ್‍ಎಸ್ ರಾಮೇಗೌಡ,ಪ್ರಕಾಶ್, ಸಾಮೀಯಾನ ಪುಟ್ಟರಾಜು ದರ್ಶನ್ ಲಿಂಗರಾಜು, ಅಜಿತ್ ,ಕಿರಣ್ ಸೇರಿದಂತೆ ವಿವಿಧ ಗ್ರಾಮಗಳ ಬಿಜೆಪಿ ಮುಖಂಡರು ಆಯಾ ಗ್ರಾಮಗಳಿಗೆ ಕ್ಯಾಂಪಿಯನ್ ಬಂದ ವೇಳೆ ಹಾರ ತುರಾಯಿ ಹಾಕಿ ಪಟಾಕಿ ಹೊಡೆದು ನಟ ದರ್ಶನ್ ಇತರರನ್ನು ಸ್ವಾಗತಿಸುತ್ತಿದ್ದರು.